التواصل مع أسماءرقم التليفون
00971506440127
الايميل
lavender@emaraty.netالعنوان
الشارقة، بإمكانج تكلميني على الموبايل و نتفق على مكان نتلاقى فيه.
شو المنتجات أو الخدمات إلي توفرينها؟
أغلف الهدايا على حسب رغبة الزبونه، مثلاُ أحط الهدية في سلة، علبة، أو باقة ورد على حسب الطلب. و إلي حاطة هديتها في علبة و تريد تغلف العلبة بشكل مميز، أقدر أسويلها إياه . و أسوي توزيعات لكل المناسبات.
الهدايا لازم تكون من عندي؟ ولا إنتي توفرين هدايا و تغلفينها؟
لا أنا أغلف الهدايا فقط، يعني الهدية من عند الزبونة و التغليف و الإكسسوارات من عندي.
تسوين توزيعات للأعراس؟
أنا مسوية توزيعات حق ليلة الحنة، بس ممكن أسوي توزيعات للأعراس. ممكن أسويلج عينات و إنتي تختارين. هذه الصور هي للتوزيعات إلي سويتها حق ليلة الحنة و هي عبارة عن غرشة فيها دخون و عليها إكسسوارات، الحبة 20 درهم:
لو يبت لج حلويات أو صواني تزينينها؟
أكيد وبالطريقة إلي تبينها.
من كم تبدأ الأسعار؟ عندج قائمة بالأسعار أو أمثلة لبعض المنتجات مع أسعارها؟
أسعاري تبدأ من 50 درهم و طالع على حسب الشغل و الإكسسوارات و الكمية.
هذه الصور تشرح طبيعة الشغل و السعر:
تغليف هدية عصرية بألوان الربيع المشرقة 70 درهم
الشغل يحتاج كم يوم؟
إذا كنتي تبين تغلفين هدية أحتاج من يومين إلى أسبوع، يعتمد على الشغل المطلوب.
وإذا كنتي تبين توزيعات طبعاً يعتمد على الكمية و على الشغل.
منو ياخذ الهدايا من عندي و يردها لي مغلفة؟ هل لازم أوصلهم لج و أرد اخذهم؟
إذا ما تقدرين توصلينهم روحج ممكن توصلينهم عن طريق شركة التوصيل و إذا كنتي قريبة مني، أنا ممكن آخذ أغراضج و أردلج الهدية.
هل لازم أحجز توقيت معين عشان أتجنب الزحمة ولا عادي أتصل و يتم التغليف بسرعة؟
يعتمد على الهدية و الشغل إلي عندي.
الأفضل إنج تكلميني قبل يومين من الموعد على الأقل، و إذا اتصلتي بنفس الوقت يمكن أقدر أسويلج إذا ما كانت في طلبات وايد.
أسماء العضوات المتابعات للمحلالسابق
Bebee Gifts
موضوع: لتغليف الهدايا و التوزيعات **لافند بالشارقة 
الخميس سبتمبر 15, 2011 4:00 am